Сактаева Гулмира Абешевна

Тәуелсіздік жылдарында еліміздегі білім беру саласы жаңа кезеңге қадам басты. Шәкірт тәрбиелеп, ұлт болашағын қалыптастыруда ұстаздар қауымының еңбегі өлшеусіз. Қазақстан Республикасы Тәуелсіздігі күні қарсаңында, өз ісіне адал, көптеген жылдар бойы білім беру саласында қажырлы еңбек етіп жүрген педагогтер қауымын ынталандырып, сала үздіктерін анықтау мақсатында «Тәуелсіз елдің үздік ұстаздары-2022» республикалық байқауы өткізілді. Байқауға мектебіміздің тәжірибелі ұстазы Сактаева Гулмира Абешевна қатысты.Байқау 2 кезеңнен тұрды. «Тәуелсіздік жылдарындағы білім беру жүйесінің жетістіктері» тақырыбында эссе жазумен қатар, мұғалім өз іс-тәжірибесімен бөлісіп, электронды портфолиосын өткізді.Байқау қорытындысы бойынша Гулмира Абешевна Қазақстан Республикасы Педагогтар Қоғамының шешімімен білім беру саласына қосқан елеулі үлесі үшін «Үздік педагог» төсбелгісімен және дипломымен марапатталды.